Revolutionary Road 浮生路

老實說, 相當喜歡的一套戲, 當然這是個人口味.

自覺懷才不遇的一對年輕夫婦, 不甘平凡, 不快樂地生活, 一心以為移民去巴黎就可找到理想, 可惜未到彼岸已分歧浮現, 鬧交鬧到癲...

首先, 懷才不遇呢家野, 真係講得好, 塵世間的人最中意係咩呢? 就係中意自命不凡! 上中文課, 邊個詩人作家, 唔係覺得自己懷才不遇, 屈屈而終架??
莫說你甘於平淡, 沒有經過歲月際遇的磨折, 年少的我們誰沒有覺得自己與別不同? 當年入場睇"風雲" 一句"金麟豈是池中物,一遇風雲便化龍" 簡直係講緊自己啦!

片中夫婦活到30歲人仍然覺得自己唔應該"只係得咁多", 就是太天真太傻的人板.
30歲人未有所成一點問題都沒有, 但只懂得把口講自己其實可以出人頭地就是痴心妄想, 可惜現實之中9成人正是如此, 有些根本就同戲中人一樣, 連自己可以在那一個範疇得到成功也說不上來, 完全的痴人說夢.

愛天馬行空的設想從不行動好比消耗生命意志, 不管你是真的有才能, 注定不成器.
怎麼樣呢? 就當你真有才華都要向外銷先得架!

實際地化夢想為真實才是出路吧?

電影中的琦溫斯莉, 明明是個爛演員, 就是不肯面對. 有一天終於接受現實了, 卻反過來強迫老公去為自己圓夢, 當然這是不work的, 誰可代你發夢?

然而, 最令人沈迷於夢想中的, 還是- 你根本就是個庸才這一點吧?
要承認自己就是平凡不過的普通人, 太難過了.
一天沒去嘗試實踐過, 就可無限吹噓自己的能力, 一生超凡脫俗.

你我週遭都充斥著類似的人, 曾幾何時, 我都係.

人人都住在Revolutionary Road, 你搬唔搬?